Grindavík og Hamar spila í kvöld miðvikudag í Icelandexpress deild kvenna, sem stendur er Grindavík í öðru sæti en Hamar í þriðja, án efa verður þetta hörku toppslagur.

Grindavíkurstelpur eru búnar að vinna átta af síðustu níu leikjum.

Þróttur fiskvinnsla býður öllum Grindvíkingum frítt á leikinn, frábært framtak hjá þeim.

fyrir þá sem komast ekki á leikinn þá er leikurinn sýndur beint á Grindavík TV

Áfram Grindavík

Stelpurnar hafa verið á góðu „run-i“ undanfarið en síðast töpuðu þær í deildinni á móti hinu ósigraða liði í deildinni, KR-ingum, þann 2.desember.   Því miður þá töpuðu stelpurnar í 8 liða úrslitum í bikarnaum á móti Keflavíkurstúlkum en síðan þá hefur leiðin eingöngu legið upp á við.  Búið er að styrkja liðið til muna en Joanna Skiba sem lék með liðinu tímabilið 2007-2008, kom til landsins í janúar og er búin að leika einn leik þar sem hún skoraði 12 stig, tók 5 fráköst og gaf 6 stoðsendingar.   Leikur liðsins verður mun hraðari með tilkomu Joönnu en stelpurnar í liðinu vilja meina að hún sé jafnvel betri leikmaður í dag en síðast þegar hún lék með okkur en í fyrra lék hún á Spáni.

Þegar tölfræðin er skoðuð hjá nokkrum leikmönnum má sjá út af hverju þetta góða „run“ er búið að vera og þá sérstaklega í janúar.  Michele DeVault sem var ekki að hitta eins vel fyrir utan 3-stiga línuna eins og menn vonuðust eftir fyrir áramót, hefur hitt úr 58,1% 3-stiga skota sinna í janúar en það er auðvitað alveg fáranleg hittni!  Svona lítur samanburður út á milli mánuða í helstu tölfræðiþáttum hjá Michelle:

                               Stig                        3-stiga%              Fráköst                Framlag
Okt                        21                           37,8                       9,3                         22,5      
Nóv                       17,8                       29,5                       10,8                       18,6
Des                        19,5                      23,5                       5,5                         18
Jan                         29                         58,1                       9                             29,7

Þegar forystuær deildarinnar í helstu tölfræðiþáttunum eru skoðaðar, þá kemur í ljós að við eigum einn leikmann í þeim hópi.  Heather Etzell í Haukum er stigahæst í deildinni með 31,1 stig, Hildur Sigurðar í KR er stoðsendingahæst með 6,4 en frákastahæst er hin grindvíska Helga Hallgrímsdóttir með 11,1 frákast að meðaltali.  Kíkjum á samanburð milli mánuða hjá henni:  

                               Stig                        Fráköst                Stoðsendingar                  Framlag
Okt                        4,3                         7,8                         0,8                                         4,8
Nóv                       8,4                         12,6                       1,8                                         17
Des                      7                             9                             1                                            12
Jan                       9,3                         14,7.....                   3,7.....                                    21,7......

Eins og áður hefur komið fram er hinn nýji tölfræðivefur KKÍ fullur af fróðleik og er hægt að gleyma sér vel í alls kyns pælingum, t.d. í samanburði á milli leikmanna. 

Ég segi þetta gott í bili og hvet alla til að mæta á leikinn í kvöld og styðja við bak stelpnanna.  Með sama áframhaldi gera þær sterka atlögu að sjálfum Íslandsmeistaratitlinum og til þess þurfa þær góðan stuðning áhorfenda.

Áfram Grindavík!!